Auditoría de ciberseguridade: onde está exposta a túa empresa e como solucionalo

Depende do tamaño da túa empresa e do alcance, e dámosche o calendario na primeira chamada. Pola túa parte, a dedicación é pequena: unha reunión inicial dunha a dúas horas, algunha consulta puntual e a presentación de resultados. Cando rematamos a análise, tes o informe en 48–72 horas.

Non instalamos nada de forma permanente. O que se ve desde internet analizámolo desde fóra. Para o escáner, o pentest e a revisión interna, como o teu Microsoft 365 ou Google Workspace, acordamos contigo que sistemas entran, con que accesos e en que horario, sempre coa túa autorización por escrito. Os accesos son temporais e retíranse ao rematar.

O mínimo posible. A maior parte do traballo é nosa. As probas que poidan afectar a un servizo, como o pentest, fanse no horario que acordemos contigo, por exemplo fóra do horario de oficina.

Nada técnico para comezar. Antes da reunión pedímosche datos básicos: a que se dedica a empresa, cantas persoas traballan con ordenador, que correo usades (Microsoft 365, Google Workspace ou outro), o voso programa de xestión, onde gardades os documentos e quen vos leva a informática. Se houbo algún incidente recente, tamén nos axuda sabelo. O resto vémolo xuntos.

Non, pero a nosa inclúeo. Un pentest, ou test de intrusión, é un ataque controlado e autorizado contra sistemas concretos para ver ata onde podería chegar un atacante. A auditoría é máis ampla: ten unha parte funcional (como traballades, accesos, procesos) e unha técnica, na que o noso escáner propio con IA detecta vulnerabilidades e posibles vectores de ataque e despois validámolos con probas de seguridade e pentesting. Un consultor experto revisa cada resultado.

Se algo é grave, avisámoste en canto o detectamos, sen esperar polo informe. Todo o demais queda no informe coa súa prioridade, o seu impacto e a acción recomendada. Na presentación decidimos contigo por onde comezar e quen se encarga de cada cousa.

Si: un resumo executivo dunha páxina, o nivel de risco global e por áreas, os resultados do escáner e do pentest, cada achado explicado co seu impacto e a súa solución, e unha folla de ruta priorizada. E non cho mandamos sen máis: presentámolo nunha reunión e respondemos a todas as preguntas.

Si, se queres. Podemos implantar as melloras contigo, desde o dobre factor ou a protección do correo ata os permisos, as copias de seguridade ou os protocolos antifraude, e coordinar co teu provedor informático o que dependa del. Tamén podes seguir cun dos nosos plans de acompañamento, que inclúen a auditoría inicial. E se prefires executalo pola túa conta, a folla de ruta está pensada para iso.

Axuda, pero non é unha certificación. Non certifica ISO 27001 nin ENS, nin substitúe unha auditoría formal de protección de datos. Dáche unha imaxe documentada da túa situación e un plan de mellora, útil cando un cliente, unha aseguradora ou un socio che pregunta como protexes a información. Tamén revisamos aspectos básicos do RXPD, como o rexistro de actividades ou o protocolo ante unha brecha. Se tes que preparar unha auditoría formal, o plan Security Partner inclúe apoio en auditorías e cumprimento.

Desde 990 € + IVE. O prezo final depende do tamaño da túa empresa e dos sistemas que incluamos no pentest, e dámoscho concreto na primeira chamada, que é gratuíta. Se contratas un plan de acompañamento, a auditoría inicial está incluída sen custo adicional.